Թաքնված գործիչներ
Ֆիլմի սյուժեն
<<Թաքնված գործիչներ>>-ը( նույն ինքը “Hidden Figures”), ֆիլմ է երեք աներևակայելի կարևոր աֆրոամերիկացի կանանց մասին, ովքեր իրենց ներդրումն են ունեցել ԱՄՆ-ում NASA- ի տիեզերական ծրագրում, այն ժամանակ, երբ ռասայական տարանջատումը դեռևս օրինականորեն կիրառվում էր կառավարության կողմից: Ֆիլմում ուրվագծվում են Քեթրին Ջոնսոնի, Մերի Ջեքսոնի և Դորոտի Վոնի պատմությունները, երբ նրանք կողմնորոշվում են ԱՄՆ կառավարության ամենամեծ գործակալություններից մեկում կին ճարտարագետ և մաթեմատիկոս լինելու բարդություններում:
Ֆիլմը ներկայացում է բազմաթիվ իրավիճակներ, որոնցում մարդիկ աշխատում են անարդար կառավարության քաղաքականության դրոշի ներքո: Այդ իրավիճակները նմանություններ ունեն այսօրվա մասնագիտական միջավայրի հետ և դեռևս արդիական են:
Այս ֆիլմում մեծ դեր ունեն ռասիզմը և սեքսիզմը։ Կանայք լինելով աֆրոամերիկացի, շատ հարցերում տուժում են և չեն ունենում հնարավորություն իրենց տաղանդը լավագույնս ցուցաբերելու։ Այստեղ հստակ արտահայտված է նաև մեր ժամանակաշրջանի խնդիրներից մեկը՝ ավտոմատացումը։ Տարիների ընթացքում անընդհատ շատանում են սարքերը, մեքենաներն ու մեխանիզմները, որոնցով փորձում են փոխարինել մարդկային ռեսուրսը։ Այստեղ նույնպես նկարագրվում է այդ իրավիճակը, սակայն գլխավոր հերոսուհին՝ իր օրինակով մեզ ապացուցում է, որ միևնույն է մարդու կողմից կատարված աշխատանքը կարող է կատարվել ավելի ճիշտ և ժամանակին մատակարարվել թիմին։ Այդ ժամանակի խնդիրներից մեկն էր նաև այն, որ մարդկանց աշխատանքի էին ընդունում ելնելով տվյալ մարդու արտաքին տեսքից։ Իրենք ավելի ընդունակ և արժանի էին համարում սպիտակամորթներին։ Եվ ցավալին այն է, որ ոչ ավանդական ծագմամբ հավակնորդները հաճախ ենթակա են ավելի մանրամասն ուսումնասիրության և գնահատման, անկախ նրանից, թե գիտակցաբար, թե անգիտակցաբար են հավաքագրողները դա անում։